അല്ലാഹുവിന്റെ ഹിക്മത്

അല്ലാഹുവിന്റെ ഹിക്മത് 

ഷെയ്ഖ് മുഹമ്മദ് അമാൻ അൽ ജാമി
رحمه الله പറഞ്ഞു:

" ഒരു വിശ്വാസി നിർബന്ധമായും വിശ്വസിച്ചിരിക്കേണ്ട ഒന്നാണ്: അല്ലാഹു ചെയ്യുന്ന ഓരോ പ്രവൃത്തിയും, സൃഷ്ടിക്കുന്ന ഓരോ സൃഷ്ടിയും, മതനിയമാക്കുന്ന ഒരോ നിയമവും, ഒരു ഹിക്മത്തിൻ്റെ (അല്ലാഹുവിൻ്റെ ജ്ഞാനത്തിൻ്റെ) അടിസ്ഥാനത്തിൽ മാത്രമാണ് (എന്ന തത്വം). എന്നാൽ ആ ഹിക്മത്ത് എന്താണ് എന്ന് അറിഞ്ഞിരിക്കൽ അടിമകളുടെ മേൽ അനിവാര്യവുമല്ല (എന്ന് അവൻ അറിഞ്ഞിരിക്കണം ) ".

(ശർഹ് ശർഹ് അൽ വാസിതീയ്യ 2/333).

قال الشيخ العلامة محمد أمان الجامي رحمه الله: الشيء الذي يجب أن يؤمن به المؤمن بأن الله لا يفعل فعلا ، ولا يخلق خلقا ولا يشرع تشريعا إلا لحكمة ، وليس بلازم أن يدرك العباد الحكمة 

(شرح شرح الواسطية: ٣٣٣/٢)

അല്ലാഹു ചെയ്യുന്നതിനെപ്പറ്റി ഒരിക്കലും ചോദ്യം ചെയ്യപ്പെടരുത്.

അല്ലാഹു പറഞ്ഞു:

لَا يُسْـَٔلُ عَمَّا يَفْعَلُ وَهُمْ يُسْـَٔلُونَ

" അവന്‍ (അല്ലാഹു) ചെയ്യുന്നതിനെക്കുറിച്ച് ചോദ്യം ചെയ്യപെടുകയില്ല; അവരാകട്ടെ (മനുഷ്യരാകട്ടെ) ചോദിക്കപ്പെടുന്നതുമാണ് ".

(21:23).

ഇബ്നു തൈമിയ رحمه الله പറഞ്ഞു: 

فكل ما منه من إحسانٍ فهو فضل، وكل ما منه من عذابٍ فهو عدل

وهو لا يُسأل عما يفعل؛ لكمال حكمته ورحمته وعدله، لا لمجرد قهره وقدرته.

" അവനിൽ നിന്നുള്ള എല്ലാ നന്മയും അനുഗ്രഹമാണ്, അവനിൽ നിന്നുള്ള എല്ലാ ശിക്ഷയും നീതിയാണ്. അവൻ ചെയ്യുന്ന കാര്യങ്ങളെക്കുറിച്ച് ഒരിക്കലും ചോദ്യം ചെയ്യപ്പെടുകയില്ല , അവന്റെ തികഞ്ഞ ജ്ഞാനവും, കരുണയും , നീതിയും കാരണം , അവന്റെ ആധിപത്യവും , ശക്തിയും കാരണമല്ല ”.

(മജ്മൂ അൽ ഫതാവാ 8/511).

അല്ലാഹു പറഞ്ഞു:

وَعَسَىٰٓ أَن تَكْرَهُوا۟ شَيْـًٔا وَهُوَ خَيْرٌ لَّكُمْ ۖ وَعَسَىٰٓ أَن تُحِبُّوا۟ شَيْـًٔا وَهُوَ شَرٌّ لَّكُمْوَ وٱللَّهُ يَعْلَمُ وَأَنتُمْ لَا تَعْلَمُون

" ഒരു കാര്യം നിങ്ങള്‍ക്ക് (വാസ്തവത്തില്‍) ഗുണകരമായിരിക്കെ, നിങ്ങള്‍ക്കതിനോട് വെറുപ്പുണ്ടായേക്കാം; ഒരു കാര്യം നിങ്ങള്‍ക്ക് (വാസ്തവത്തില്‍) ദോഷകരമായിരിക്കെ നിങ്ങള്‍ അതിനെ ഇഷ്ടപ്പെടുകയും ചെയ്‌തേക്കാം. (യഥാര്‍ത്ഥം) അല്ലാഹു അറിയുന്നു; നിങ്ങള്‍ക്ക് അറിയുകയില്ല ".

(2:216).

പരിഭാഷപ്പെടുത്തിയത്:

ഡോ: കെ. മുഹമ്മദ് സാജിദ്.