ഔലിയാക്കളെ ഇലാഹ് ദൈവം ആക്കേണ്ടതില്ല യാ അബ്ദുൽ ഖാദർ, ബദ്രീങ്ങളെ എന്ന വിളി തന്നെ ശിർക്കാണ്.

ഔലിയാക്കളെ ഇലാഹ് ദൈവം ആക്കേണ്ടതില്ല യാ അബ്ദുൽ ഖാദർ, ബദ്രീങ്ങളെ എന്ന വിളി തന്നെ ശിർക്കാണ്.

ആവശ്യനിർവഹണത്തിന് ചെയ്യാനുള്ള മാർഗങ്ങൾ എന്ന്  പറഞ്ഞ്, സമസ്തക്കാർ പറയും, ഖിബ്ലക്ക് തിരിഞ്ഞ് പത്ത് പ്രാവശ്യം വിളിക്കുക
" യാ സയ്യിദീ അബ്ദുൽ ഖാദർ" എന്നിട്ട് അവൻ ആവശ്യങ്ങൾ ചോദിക്കുക.

ഷെയ്ഖ് അബൂ ഇയാദ് حفظه الله പറഞ്ഞു:

ഈ വിളിയും, പ്രവ്രത്തിയും ശിർക്കാണ്. വിളി അഥവ ദുആ ആരാധനയാണ് എന്ന് നബി صلى الله عليه وسلم പഠിപ്പിച്ചു. ഈ വിളി അല്ലാഹുവിനോട് മാത്രമേ പാടുള്ളൂ. അത് മരണപ്പെട്ടുപോയ അബ്ദുൽ ഖാദറെ വിളിച്ചാൽ ഈ ഇസ്തിഗാസ ശിർക്കാവും കാരണം:

1. അദൃശ്യമായ അറിവ്, അതായത്, അബ്ദുൽ ഖാദർ, മരിച്ച മനുഷ്യനെന്ന നിലയിൽ, പതിനായിരക്കണക്കിന്, നൂറുകണക്കിന് അല്ലെങ്കിൽ ആയിരക്കണക്കിന് മൈലുകൾ അകലെയാണെങ്കിലും നിങ്ങളുടെ ദുരന്തത്തെ കുറിച്ച് ബോധവാനാണ്.

2. ഇങ്ങനെ , കോടിക്കണക്കിന് ആളുകൾ വിളിക്കുന്നു. ഇങ്ങനെ കോടി പേരുടെ ദുരന്തത്തെ കുറിച്ച് മരിച്ച വ്യക്തി ബോധവാനാണ്.

3. മരണപ്പെട്ടവന് കേൾവിയുടെ ഗുണത്തിന്റെ  പൂർണത, അദ്ദേഹത്തിന് അകലെ നിന്ന് കേൾക്കാൻ കഴിയും.

4. കോടി പേരെ ഒരേ സമയം കേൾക്കാം.

ഇത് അല്ലാഹുവിന് മാത്രം സാധിക്കുന്ന കാര്യങ്ങളിൽ പങ്ക് ചേർക്കലാണ് അഥവ ശിർക്ക്.

അതിനാൽ ഇസ്തിഗാസ, രക്ഷതേടൽ തുടങ്ങിയ ആരാധനകൾ  അല്ലാഹു അല്ലാത്തവരിലേക്ക് നയിക്കപ്പെടുമ്പോൾ, ആ കർമ്മത്തിന് ശിർക്കിന്റെ ഗുണമുണ്ട്, അത് ഒഴിവാക്കാനാവാത്തതാണ്. അബ്ദുൽ ഖാദർ  ഇലാഹാണോ എന്ന്  വിശ്വസിക്കുന്നുണ്ടോ എന്ന് സ്ഥിരീകരിക്കേണ്ടതില്ല, മറിച്ച് ആ വിളിയിൽ നിന്ന്  ഉടലെടുക്കുന്ന കാര്യമാണ് അത്.

അതിനാൽ, ഈ സാഹചര്യത്തിൽ ഇത് "ശിർക്കാണ് " എന്ന വിധി  , ഈ വിളിയും , ഈ പ്രവൃത്തിയുമാണ്.

ഇലാഹാണ് എന്ന വിശ്വാസം ഉണ്ടായാലും , ഇല്ലെങ്കിലും , ജീവിച്ചിരിക്കുന്നവരായാലും മരിച്ചവരായാലും, ആവശ്യപ്പെടുന്ന കാര്യങ്ങളിൽ അധികാരമില്ലാത്തവരിൽ നിന്ന് സഹായം തേടുന്നതും രക്ഷതേടുന്നതും അല്ലാഹു നിഷിദ്ധമാക്കിയിരിക്കുന്നു എന്നതാണ് ഇതിന്റെ ഖണ്ഡനം.

അല്ലാഹു പറഞ്ഞു:

وَلَا تَدْعُ مِن دُونِ ٱللَّهِ مَا لَا يَنفَعُكَ وَلَا يَضُرُّكَ ۖ فَإِن فَعَلْتَ فَإِنَّكَ إِذًا مِّنَ ٱلظَّـٰلِمِينَ

" അല്ലാഹുവിന്‌ പുറമെ, നിനക്ക്‌ ഉപകാരം ചെയ്യാത്തതും, നിനക്ക്‌ ഉപദ്രവം ചെയ്യാത്തതുമായതിനെ നീ വിളിക്കരുത്‌. എനി, നീ (അങ്ങനെ) ചെയ്‌തുവെങ്കില്‍, അപ്പോള്‍ നിശ്ചയമായും നീ, അക്രമികളില്‍പെട്ടവനായിരിക്കും ".

(10:106).

അതിനാൽ  പ്രയോജനം ചെയ്യാനോ ഉപദ്രവിക്കാനോ കഴിയാത്ത യാതൊന്നിനെയും വിളിക്കുന്നതിനുള്ള വിലക്കാണിത്. ആ വിളി ആരാധനയുമാണ്. ളുൽമ് എന്ന് വിശേഷിപ്പിക്കപ്പെടുന്ന പ്രവൃത്തിയുടെ നിരോധനമാണിത്, അല്ലാഹുവിനെ അല്ലാതെ മറ്റൊന്നിനെയും വിളിക്കരുത് എന്നാണ് ഇതിനർത്ഥം, കാരണം അല്ലാഹുവിന് പുറമെ മറ്റൊന്നിനും പ്രയോജനത്തിനും ദോഷത്തിനും മേൽ സ്വതന്ത്രമായ അധികാരമില്ല.

വിളി അല്ലാഹുവിനോട് മാത്രം. കാരണം വിളി  ആരാധനയാണ്.

എന്നിട്ട് അല്ലാഹു പറഞ്ഞു:

"നീ അങ്ങനെ ചെയ്താൽ, തീർച്ചയായും നീ അക്രമികളുടെ കൂട്ടത്തിലായിരിക്കും",

അല്ലാഹു പറഞ്ഞില്ല: "നീ അങ്ങനെ വിശ്വസിച്ചാൽ, തീർച്ചയായും നീ അക്രമികളുടെ കൂട്ടത്തിലായിരിക്കും", പകരം, അല്ലാഹു പറഞ്ഞു: " നീ അങ്ങനെ ചെയ്‌താൽ...", നിരോധനം പ്രവൃത്തിയെ സൂചിപ്പിക്കുന്നു. ആ പ്രവൃത്തിയാണ് നിരോധിച്ചത് അഥവ ആ വിളി.

ആ വിളി അബ്ദുൽ ഖാദറിനോടാവട്ടെ, വിഗ്രഹങ്ങളോടാവട്ടെ, ഇലാഹുകളോടാവട്ടെ, ഇലാഹ് എന്ന വിശ്യാസത്തൊടെ ആകട്ടെ , ഇലാഹ് എന്ന വിശ്യാസമില്ലാതെ ആകട്ടെ.

അല്ലാഹുവല്ലാതെ മറ്റാർക്കും പ്രയോജനത്തിനും ദോഷത്തിനും മേൽ അധികാരമില്ല. അതിനാൽ നിങ്ങൾ അങ്ങനെ ചെയ്യുകയാണെങ്കിൽ , ഇലാഹാണ് എന്ന വിശ്വാസം ഉണ്ടായാലും , ഇല്ലെങ്കിലും, നിങ്ങളുടെ പ്രവൃത്തി, ആ വിളി,  അസ്ഥാനത്താകും, അത് ളുൽമാണ്, ശിർക്ക്  ളുൽമാണ്.

അല്ലാഹു പറഞ്ഞു:

إِنَّ ٱلشِّرْكَ لَظُلْمٌ عَظِيمٌ

" നിശ്ചയമായും (അവനോട്) പങ്കുചേർക്കൽ (ശിർക്ക്) വമ്പിച്ച ളുൽമത്രെ ".

(31:13).

സ്ത്രോതസ്: താഴെ ലിങ്കിൽ pdf ഭാഗം 3 ൽ നിന്നും 

http://www.wahhabis.com/articles/tfdzphn-shaykh-al-islam-muhammad-bin-abd-al-wahhab-and-the-construction-of-shirk-in-the-quran.cfm

പരിഭാഷപ്പെടുത്തിയത്:
ഡോ: കെ. മുഹമ്മദ് സാജിദ്.