ഡോ. സാക്കിർ നായിക്കിനെ പോലുള്ളവരെ ഒഴിവാക്കണമെന്ന് അല്ലാഹു കൽപിക്കുന്നു.

ഡോ. സാക്കിർ നായിക്കിനെ പോലുള്ളവരെ ഒഴിവാക്കണമെന്ന് അല്ലാഹു കൽപിക്കുന്നു.

താഴെ വീഡിയോയിൽ ഡോ. സാക്കിർ നായിക്ക് പറയുന്നു:

മുസ്‌ലിംകൾക്ക് അല്ലാഹുവിനെ ബ്രഹ്മാവ്, വിഷ്ണു തുടങ്ങിയ പേരുകളിൽ വിളിക്കുന്നതിൽ യാതൊരു എതിർപ്പുമില്ലെന്ന്.

എന്നാൽ ഈ പേരുകൾ വിഗ്രഹാരാധകർ അവരുടെ ദൈവങ്ങൾക്ക് നൽകിയ പേരുകളാണ്.

മുഷ്‌രിക്കുകൾ അവരുടെ ദൈവങ്ങൾക്ക് നൽകിയ പേരുകൾ കൊണ്ട് അല്ലാഹുവിനെ വിളിക്കുന്നവരെ ഒഴിവാക്കാൻ (വെടിയാൻ) അല്ലാഹു കൽപിച്ചിട്ടുണ്ട്.

അല്ലാഹുവിനെ അല്ലാഹു വിളിക്കാൻ പറഞ്ഞ പേരുകളിലെ വിളിക്കാൻ പാടുള്ളൂ എന്നും അല്ലാഹു കൽപിച്ചിട്ടുണ്ട്.

അല്ലാഹു പറഞ്ഞു:

وَلِلَّهِ ٱلْأَسْمَآءُ ٱلْحُسْنَىٰ فَٱدْعُوهُ بِهَا ۖ وَذَرُوا۟ ٱلَّذِينَ يُلْحِدُونَ فِىٓ أَسْمَـٰٓئِهِۦ ۚ سَيُجْزَوْنَ مَا كَانُوا۟ يَعْمَلُونَ

“അല്ലാഹുവിന് ഏറ്റവും ഉത്തമമായ നാമങ്ങളുണ്ട്; അതിനാൽ അവ (ആ നാമങ്ങൾ) കൊണ്ടു നിങ്ങൾ അവനെ വിളിച്ചുകൊള്ളുക.

അവന്റെ നാമങ്ങളിൽ ഇൽഹാദ് (ക്രമക്കേട്) കാണിക്കുന്നവരെ നിങ്ങൾ ഒഴിവാക്കുക.

അവർ ചെയ്തുകൊണ്ടിരുന്നതിന് അവർക്കു പ്രതിഫലം നൽകപ്പെടും.”

— (അൽ-അഅ്റാഫ് 7:180).

ലോക മുസ്ലിംകൾ അംഗീകരിക്കുന്ന തഫ്സീർ ഇബ്നു കസീർ (7:180).

وَذَرُوا ٱلَّذِينَ يُلۡحِدُونَ فِىٓ أَسۡمَـٰٓئِهِۦ

“അവന്റെ നാമങ്ങളിൽ ഇൽഹാദ് (ക്രമക്കേട് കാണിക്കുന്നവരെ) നിങ്ങൾ ഒഴിവാക്കുക.”

അല്ലാഹുവിന്റെ നാമങ്ങളിൽ ഇൽഹാദ് ചെയ്യുന്നതിൽ പെട്ടതാണ് അൽ-ലാത്ത് (ഒരു വിഗ്രഹത്തിന്റെ പേര്) പോലുള്ള നാമങ്ങൾ ഉപയോഗിക്കുന്നത്.

നബി صلى الله عليه وسلم യിൽ നിന്നും നേരിട്ട് പഠിച്ച മഹാനായ സഹാബി പണ്ഡിതൻ ഇബ്നു അബ്ബാസ് رضي الله عنه വിന്റെ വിദ്യാർത്ഥി ഇമാം മുജാഹിദ് رحمه الله — ഇബ്നു ജുറൈജ് വഴി — പറയുന്നു:

“അവർ അൽ-ലാത്ത് എന്ന നാമം അല്ലാഹുവിൽ നിന്നെടുത്തതാണ്;

അൽ-ഉസ്സ എന്നത് അൽ-അസീസ് എന്ന നാമത്തിൽ നിന്നുമാണ്.”

നബി صلى الله عليه وسلم യിൽ നിന്നും നേരിട്ട് പഠിച്ച സഹാബികളിൽ നിന്നും നേരിട്ട് പഠിച്ച മഹാനായ താബിയീ പണ്ടിതനായ ഖതാദ رحمه الله പറഞ്ഞു:

“ഇൽഹാദ് എന്നത്, അല്ലാഹുവിന്റെ നാമങ്ങളിൽ മറ്റുള്ളവരെ അവനോടു പങ്കുചേർക്കുന്നതാണ് —

വിഗ്രഹത്തെ അൽ-ഉസ്സ എന്ന് വിളിക്കുന്നതുപോലെ.”

— (തഫ്സീർ ഇബ്നു കസീർ, 7:180).

അൽ-ലാത്ത് എന്ന നാമം അല്ലാഹുവിൽ നിന്നെടുത്തതാണ്;

അൽ-ഉസ്സ എന്നത് അൽ-അസീസ് എന്ന നാമത്തിൽ നിന്നുമാണ്. പക്ഷേ എന്നാലും ആ പേരുകളിൽ വിളിക്കുന്നത് അല്ലാഹു വിലക്കി.

അതിനാൽ, അല്ലാഹുവിന്റെ നാമങ്ങളിൽ പങ്കുചേർക്കുന്ന ശിർക്ക് ചെയ്യുന്ന ഈ വിഷയത്തിൽ സാക്കിർ നായിക്ക് ഗുരുതരമായ തെറ്റ് ചെയ്തിരിക്കുന്നു.

ബ്രഹ്മാവ്, വിഷ്ണു എന്നാൽ സ്രഷ്ടാവ്, പരിപാലകൻ എന്നാണർത്ഥം, തലയുണ്ട്, കാലുണ്ട് എന്ന് വിശ്വസിക്കാതിരുന്നാൽ, മുസ്‌ലിംകൾക്ക് അല്ലാഹുവിനെ ബ്രഹ്മാവ്, വിഷ്ണു തുടങ്ങിയ പേരുകളിൽ വിളിക്കുന്നതിൽ യാതൊരു എതിർപ്പുമില്ലെന്ന് അദ്ദേഹം പറഞ്ഞു പ്രചരിപ്പിക്കുന്നു. 

മുഷ്‌രിക്കുകൾ അവരുടെ ദൈവങ്ങൾക്ക് നൽകിയ പേരുകളിൽ അല്ലാഹുവിനെ വിളിക്കരുതെന്ന് അല്ലാഹു കൽപിക്കുന്നു; അവരെ ഒഴിവാക്കണമെന്നും അല്ലാഹു കൽപിക്കുന്നു.

അല്ലാഹുവിനെ, അല്ലാഹു വിളിക്കാൻ പറഞ്ഞ പേരുകളിലെ വിളിക്കാൻ പാടുള്ളൂ എന്നും അല്ലാഹു കൽപിച്ചിട്ടുണ്ട്.

സാക്കിർ നായിക്കിന് ഇപ്പോഴും അടിസ്ഥാന വിശ്വാസ വിഷയങ്ങളിൽ തെറ്റുകളുണ്ട്, അദ്ദേഹം അവ പരസ്യമായി തിരുത്തിയിട്ടില്ല.

അതുകൊണ്ടുതന്നെ, ഇത്തരം വീഡിയോകൾ പല ഭാഷകളിലായി ലോകമൊട്ടാകെ പ്രചരിപ്പിക്കുകയും,

ഇന്നും ധാരാളം മുസ്‌ലിംകളെ വഴി തെറ്റിക്കുകയും ചെയ്യുന്നു.

നാം മനസ്സിലാക്കണം:

ഒരു വ്യക്തി പ്രശസ്തനാണെന്നതുകൊണ്ടോ, ഖുർആനും , ഹദീസും നമ്പറുകളോടെ മനഃപാഠമായി ഉദ്ധരിക്കുന്നതുകൊണ്ടോ, അദ്ദേഹം പറയുന്നതെല്ലാം സത്യമാകണമെന്നില്ല.

സൂക്ഷിക്കുക.

അടിസ്ഥാന വിശ്വാസ വിഷയങ്ങളിലെ തെറ്റുകൾ കാരണം, അവ തിരുത്താത്തതിനാൽ, മഷായിഖുമാർ അദ്ദേഹത്തിൽ നിന്ന് വിജ്ഞാനം പഠിക്കരുതെന്ന് ഉപദേശിച്ചിട്ടുണ്ട്.

അതിനാൽ, അദ്ദേഹത്തെ പ്രചരിപ്പിക്കുന്നവർ ശ്രദ്ധിക്കണമെന്ന് അഭ്യർത്ഥിക്കുന്നു.

സാന്ദർഭികമായി പറയാനുള്ളത് അല്ലാഹുവിനെ ഓം എന്ന് വിളിക്കാം എന്നും ചില മുസ്ലിം പ്രബോധകർ പറയുന്നു. ഇതെല്ലാം അല്ലാഹുവിന്റെ നാമങ്ങളിൽ ഇൽഹാദ്, ക്രമക്കേട് നടത്തലാണ്, അല്ലാഹുവിന്റെ നാമങ്ങളിൽ പങ്കുചേർക്കുന്ന ശിർക്കാണ്.

സൂക്ഷിക്കുക.

بارك الله فيكم

ഡോ: കെ. മുഹമ്മദ് സാജിദ്.