അല്ലാഹുവിന്റെ ശിക്ഷ ഇറങ്ങുമ്പോൾ, തൗഹീദിലേക്കും സുന്നത്തിലേക്കും പ്രബോധനം ചെയ്യുന്നവരെ അല്ലാഹു രക്ഷപ്പെടുത്തും.

അല്ലാഹുവിന്റെ ശിക്ഷ ഇറങ്ങുമ്പോൾ, തൗഹീദിലേക്കും സുന്നത്തിലേക്കും പ്രബോധനം ചെയ്യുന്നവരെ അല്ലാഹു രക്ഷപ്പെടുത്തും.

ടൈറ്റാനിക് കപ്പൽ:

ആയിരക്കണക്കിന് ആളുകൾ ചേർന്നാണ് അത് നിർമ്മിച്ചത്.

അതിന്റെ ക്യാപ്റ്റൻ അഹങ്കാരത്തോടെ പ്രഖ്യാപിച്ചു:

“ദൈവത്തിന് പോലും ഈ കപ്പൽ മുങ്ങിക്കളയാൻ കഴിയില്ല ”.

എന്നാൽ, അതിന്റെ ആദ്യ യാത്രയിൽ തന്നെ അത് മുങ്ങിപ്പോയി.

നൂഹ് عليه السلام നബിയുടെ കപ്പൽ:

അത് നിർമ്മിച്ചത് ഒരാൾ മാത്രം , നൂഹ് عليه السلام ആയിരുന്നു.

അദ്ദേഹത്തെക്കുറിച്ച് അല്ലാഹു പറയുന്നു:

وَقَالَ ٱرْكَبُوا۟ فِيهَا بِسْمِ ٱللَّهِ مَجْر۪ىٰهَا وَمُرْسَىٰهَآ ۚ إِنَّ رَبِّى لَغَفُورٌ رَّحِيمٌ

“നിങ്ങൾ അതിൽ കയറിക്കൊള്ളുക; അല്ലാഹുവിന്റെ നാമത്തിലാണ് അതിന്റെ സഞ്ചാരവും അതിന്റെ നിൽപ്പും (നങ്കൂരമിടലും).

തീർച്ചയായും എന്റെ രക്ഷിതാവ് അത്യന്തം ക്ഷമാശീലനും കരുണാനിധിയുമാകുന്നു ”.

( 11:41).

“അല്ലാഹുവിന്റെ നാമത്തിലാണ് അതിന്റെ സഞ്ചാരവും നിൽപ്പും.”

മുഴുവൻ ലോകവും മഹാപ്രളയത്തിൽ മുങ്ങിപ്പോയപ്പോൾ, നൂഹ് عليه السلام നബിയുടെ കപ്പൽ മാത്രമാണ് വെള്ളത്തിന്മീതെ നില നിന്നത്.

കാരണം:

അല്ലാഹുവിന്റെ ശിക്ഷ ഇറങ്ങുമ്പോൾ, തൗഹീദും സുന്നത്തും പ്രബോധനം ചെയ്യുന്നവരെ അല്ലാഹു രക്ഷപ്പെടുത്തും.

അല്ലാഹു പറഞ്ഞു:

فَلَمَّا نَسُوا مَا ذُكِّرُوا بِهِ أَنجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ

“അവർക്കു ഉപദേശിക്കപ്പെട്ടത് അവർ മറന്നുകളഞ്ഞപ്പോൾ, തിന്മയെ വിരോധിച്ചിരുന്നവരെ നാം രക്ഷപ്പെടുത്തി; അന്യായം ചെയ്തവരെ അവരുടെ അധർമ്മം കാരണം കടുത്ത ശിക്ഷയാൽ പിടികൂടുകയും ചെയ്തു ”.

( 7:165).

ഈ ആയത്തിന്റെ വിശദീകരണം — തഫ്സീർ സഅ്ദി:

أَنْجَيْنَا مِنَ الْعَذَابِ الَّذِينَ يَنْهَوْنَ عَنِ السُّوءِ، وَهَكَذَا سُنَّةُ اللَّهِ فِي عِبَادِهِ، أَنَّ الْعُقُوبَةَ إِذَا نَزَلَتْ نَجَا مِنْهَا الْآمِرُونَ بِالْمَعْرُوفِ وَالنَّاهُونَ عَنِ الْمُنْكَرِ

“അല്ലാഹുവിന്റെ അടിമകളെ സംബന്ധിച്ചുള്ള അവന്റെ സ്ഥിരമായ സുന്നത്താണിത്:

ശിക്ഷ ഇറങ്ങുമ്പോൾ, നന്മ കൽപ്പിക്കുകയും തിന്മ വിരോധിക്കുകയും ചെയ്യുന്നവർ അതിൽ നിന്ന് രക്ഷിക്കപ്പെടും ”.

ഡോ: കെ. മുഹമ്മദ് സാജിദ്.