യൂസുഫുൽ ഖറദാവി ഹദീസ് വിജ്ഞാനത്തിൽ അറിവില്ലാതെ അഭിപ്രായം പറയുന്നത് ഈ കാലഘട്ടത്തിന്റെ ഒരു വലിയ ദുരന്തമാണ്

യൂസുഫുൽ ഖറദാവി ഹദീസ് വിജ്ഞാനത്തിൽ അറിവില്ലാതെ അഭിപ്രായം പറയുന്നത് ഈ കാലഘട്ടത്തിന്റെ ഒരു വലിയ ദുരന്തമാണ്.

ഷെയ്ഖ് അൽ-അൽബാനി رحمه الله യുടെ ശബ്ദം താഴെ വീഡിയോയിൽ കേൾക്കാം إن شاء الله.

ഇത് ഷെയ്ഖ് അൽ അൽബാനി رحمه الله അദ്ദേഹത്തിൻ്റെ ഒരു ഫത്‌വയിൽ പറഞ്ഞതാണ്. അത് ഇപ്പോൾ വായിക്കാം.

ഇവർ രണ്ടുപേരും മരണപ്പെട്ടു. ഷെയ്ഖ് അൽ അൽബാനി رحمه الله അത് കൊണ്ട് ഇത് വളരെ മുമ്പ് പറഞ്ഞതാണ്.

ഫത്‌വ വായിക്കുന്നതിന് മുമ്പ് ചില കാര്യങ്ങൾ പറയാനുണ്ട്.

യൂസുഫുൽ ഖറദാവിയുടെ ഫത്‌വകൾ ഇഖ്‌വാനുൽ മുസ്ലിമീൻ, ജമാഅത്തെ ഇസ്ലാമി സംഘടനകൾ അവരുടെ  മാധ്യമങ്ങളിലൂടെ പ്രചരിപ്പിക്കുകയും ലോകവ്യാപകമാക്കുകയും ചെയ്തു.

ഈ ഫത്‌വകൾ മറ്റ് ബിദ്ഈ സംഘടനകളെയും കക്ഷികളെയും വരെ സ്വാധീനിച്ചു. കാരണം, വിജ്ഞാനം തേടുന്നതിന്റെ അടിസ്ഥാനങ്ങൾ അറിയാത്തവർ ആരിൽ നിന്നു വേണമെങ്കിലും മതം പഠിച്ചെടുക്കാറുണ്ട്.

നബി صلى الله عليه وسلم മുന്നറിയിപ്പ് നൽകിയിട്ടുണ്ട്.

നബി ﷺ പറഞ്ഞു:

 "المرء على دين خليله"

"ഒരു മനുഷ്യൻ അവൻ്റെ അടുത്ത സുഹൃത്തിന്റെ മതത്തിലായിരിക്കും."

(അബൂ ദാവൂദ്, തിർമിദീ).

സഹാബികൾ رضي الله عنهم വിൽ നിന്ന് പഠിച്ച മഹാനായ താബിയീ പണ്ടിതനായ ഇമാം ഇബ്നു സിരീൻ رحمه الله പറഞ്ഞു:

فإن هذا العلم دين فلينظروا عمن تأخذون دينكم

"തീർച്ചയായും ഈ വിജ്ഞാനം  മതമാണ്; അതിനാൽ നിങ്ങൾ നിങ്ങളുടെ മതം ആരിൽ നിന്നാണ് സ്വീകരിക്കുന്നതെന്ന് ശ്രദ്ധാപൂർവ്വം നോക്കട്ടെ."

(ഇമാം മുസ്‌ലിം رحمه الله അദ്ദേഹത്തിന്റെ സ്വഹീഹ്  മുസ്ലിം മുഖദ്ദിമയിൽ ഉദ്ധരിച്ചത് ).

ഖറദാവിയുടെ ഫത്‌വകൾ ബിദ്ഈ സംഘടനകളിലൂടെയും കക്ഷികളിലൂടെയും സാധാരണക്കാരിലേക്കും വ്യാപിച്ചു.

അതുവഴി സത്യത്തിൽ നിലകൊണ്ടിരുന്ന നിരവധി പേർ വഴിതെറ്റാൻ കാരണമായി.

ഇനി ഫത്‌വ വായിക്കാം.

ഷെയ്ഖ് അൽ അൽബാനി رحمه الله യോട് ചോദിക്കപ്പെട്ടു :

ആദരണീയനായ ഷൈഖെ, അല്ലാഹു നിങ്ങളെ സംരക്ഷിക്കട്ടെ, എനിക്ക് ഒരു ചെറിയ ചോദ്യം ചോദിക്കാനുണ്ട്. 

ഡോ. അൽ-ഖറദാവി പുറത്തിറക്കിയ ഒരു പുതിയ പുസ്തകമുണ്ട്. അതിൽ അദ്ദേഹം ഹദീസിനെക്കുറിച്ച് ചർച്ച ചെയ്യുന്നു.  മുസ്ലിം സമൂഹത്തിന്റെ ഭിന്നത, അതിൻ്റെ അവസാന ഭാഗം - "ഒരു കക്ഷി ഒഴികെ എല്ലാവരും നരകത്തിലാണ്" എന്ന വാചകം കെട്ടിച്ചമച്ച , ഒരു കൂട്ടിച്ചേർക്കലാണെന്ന് അദ്ദേഹം അവകാശപ്പെടുന്നു ,  അതായത്, അത് യഥാർത്ഥ ഹദീസിന്റെ ഭാഗമല്ല എന്ന് .

ഷെയ്ഖ് അൽ അൽബാനി رحمه الله :

ഒന്നാമതായി, എന്റെ പ്രിയ സഹോദരി - ഉമ്മു ഒമർ , ഒരു പ്രത്യേക വിജ്ഞാന മേഖലയെക്കുറിച്ച് സംസാരിക്കുന്ന എല്ലാവരെയും ശ്രദ്ധിക്കരുത്. 

ഷെയ്ഖ് അൽ-ഖറദാവി ഹദീസ് ശാസ്ത്രത്തെക്കുറിച്ച് ഒരു ഗ്രന്ഥം രചിച്ചതായി നിങ്ങൾക്ക് എപ്പോഴെങ്കിലും അറിയാമോ? ഒരു പുസ്തകമോ ഒന്നിലധികം പുസ്തകങ്ങളോ മുഴുവൻ വാല്യങ്ങളോ?

അൽ-ഖറദാവി പോലുള്ള വ്യക്തികൾ നമ്മൾ ജീവിക്കുന്ന കാലഘട്ടത്തിലെ ഒരു ദുരന്തമാണ്.

ഖുർആനിന്റെയും സുന്നത്തിന്റെയും രീതിശാസ്ത്രവും പാതയും പിന്തുടരുന്ന യുവാക്കൾക്കെതിരെ അവർ വലിയ പ്രതിഷേധം ഉയർത്തുന്നു.

ആരെങ്കിലും അവരോട് ഒരു വിധി ചോദിച്ച് , "എന്താണ് തെളിവ്?" എന്ന് ചോദിച്ചാൽ - അവർ അവരെ , "നിങ്ങൾ എന്തിനാണ് എല്ലാത്തിനും തെളിവ് ചോദിക്കുന്നത്? നിങ്ങൾ നിയമജ്ഞരെയും വിദഗ്ധരെയും അനുസരിക്കണം." എന്ന് പറഞ്ഞ് ശകാരിക്കുന്നു. 

എന്നിരുന്നാലും, യുവാക്കളെ വിമർശിച്ച അതേ കാര്യത്തിൽ അവർ തന്നെ അതിൽ വീഴുന്നു, അവർ മുതിർന്നവരായിട്ടും, അവർ ഹദീസ് ശാസ്ത്ര പണ്ഡിതന്മാരോട് ചോദിക്കുന്നില്ല.

തീർച്ചയായും, എനിക്ക് അൽ-ഖറദാവിയെ വ്യക്തിപരമായി അറിയാം; ഞാൻ കുറച്ചുകാലം ഖത്തറിൽ താമസിക്കുകയും  അദ്ദേഹവുമായി കൂടിക്കാഴ്ച നടത്തുകയും ചെയ്തു.

ഇസ്ലാമിക് സർവകലാശാലയിൽ വെച്ച് സുപ്രീം കൗൺസിൽ എന്നറിയപ്പെടുന്ന കൗൺസിലിൽ വെച്ച്  അദ്ദേഹവുമായി പല പ്രാവശ്യം കൂടിക്കാഴ്ച നടത്തി.

അദ്ദേഹം എന്റെ പാണ്ഡിത്യത്തെ വിശ്വസിക്കുന്നു. ഈ മേഖലയിൽ ഞാൻ എത്രത്തോളം ഉറച്ച നിലയിലാണെന്ന് അദ്ദേഹത്തിനറിയാം. എന്നിട്ടും ഇപ്പോൾ  ഇസ്ലാമിക ലോകത്തിലെ ചില നിർഭാഗ്യകരമായ യാഥാർത്ഥ്യങ്ങളെ ന്യായീകരിക്കാൻ അദ്ദേഹം ദുർബല ഹദീസ് ആധികാരികമാക്കുന്നതും, ആധികാരിക ഹദീസ് ദുർബലമെന്ന് മുദ്രകുത്തുന്നതും നിങ്ങൾക്ക് കാണാം.

അതിനാൽ, നമ്മുടെ മുസ്ലിം സഹോദരീസഹോദരന്മാർ - പുരുഷന്മാരും സ്ത്രീകളും ഒരുപോലെ മനസ്സിലാക്കണം, അറബി പഴഞ്ചൊല്ല് പറയുന്നു, "തോളിനെ എങ്ങനെ ഭക്ഷിക്കുന്നു എന്ന് അറിയണം " .

ഇന്ന് നിങ്ങൾക്കറിയാവുന്നതുപോലെ ഏതൊരു വിജ്ഞാന മേഖലയ്ക്കും വിദഗ്ധരുണ്ട്.

ഉദാഹരണത്തിന്, ഒരാൾക്ക് ചെവി വേദന അനുഭവപ്പെടുകയാണെങ്കിൽ, അയാൾ ഏതെങ്കിലും ഡോക്ടറുടെ അടുത്തേക്ക് പോകില്ല, ഉദാഹരണത്തിന് , കുടൽ വിദഗ്ധൻ,

പകരം, അവൻ ഒരു ചെവി വിദഗ്ധന്റെ അടുത്തേക്ക് പോകുന്നു.  

അത്തരം വെെദഗ്ദ്ധ്യം  അത്യന്താപേക്ഷിതമാണ്; 

ഇത് അല്ലാഹു പറഞ്ഞതിന്റെ അർത്ഥങ്ങളിലൊന്നാണ്  "നിങ്ങൾക്ക് അറിയില്ലെങ്കിൽ അറിവുള്ളവരോട് ചോദിക്കുക." 

അൽ-ഖർദാവി,  അൽ-ഗസാലി ഹദീസ് ശാസ്ത്രത്തിന്റെ വിദഗ്ധരല്ല, പ്രത്യേകിച്ച് ഹദീസുകളെ ആധികാരികവും ദുർബലവും ആക്കുന്നതിനെ സംബന്ധിച്ച്.

അവർക്ക് എന്തെങ്കിലും വിജ്ഞാനമുണ്ടെങ്കിൽ, അത്  പരമ്പരാഗത കർമ്മശാസ്ത്രത്തിന്റെ വിജ്ഞാനമാണ്. ഖുർആനിൽ നിന്നും സുന്നത്തിൽ നിന്നും നേരിട്ട് ഉരുത്തിരിഞ്ഞ കർമ്മശാസ്ത്രത്തിലല്ല.

ഞാൻ നിങ്ങളുടെ സമയത്തിൽ വളരെയധികം ചെലവഴിച്ചു ആദ്യം എന്റേതും പിന്നീട് നിങ്ങളുടേതും ദയവായി എന്നോട് ക്ഷമിക്കൂ.

ഈ വിളി അവസാനിക്കുന്നതിനായി കാത്തിരിക്കുന്ന മറ്റ് വിളിക്കുന്നവർക്ക് വഴിയൊരുക്കുന്നതിനായി  തൽക്കാലം ഇവിടെ നിർത്തുന്നു. 

السلام عليكم.

ചോദ്യ കർത്താവ്:

وعليكم السلام ورحمة الله وبركاته 

جزاكم الله خيرا 

ഷെയ്ഖ് അൽ അൽബാനി رحمه الله :

وإياكم.

അത് കൊണ്ട് നാം ആരിൽ നിന്ന് മതം പഠിക്കണം എന്നത് ഗൗരവമായി കാണണം.

ഡോ: കെ. മുഹമ്മദ് സാജിദ്.