ഒരു വിശ്വാസിയുടെ മനസ്സിനെ സമാധാനത്തോടെയും സ്ഥിരതയോടെയും നിലനിർത്താനുള്ള മാർഗ്ഗനിർദ്ദേശങ്ങൾ.
ഒരു വിശ്വാസിയുടെ മനസ്സിനെ സമാധാനത്തോടെയും സ്ഥിരതയോടെയും നിലനിർത്താനുള്ള മാർഗ്ഗനിർദ്ദേശങ്ങൾ.
ഷെയ്ഖ് മുഹമ്മദ് ബിൻ ഗാലിബ് حفظه الله യുടെ സ്റ്റാറ്റസ്:
നിങ്ങളുടെ മാനസിക സ്ഥിരതയിൽ പല കാര്യങ്ങളും ഉൾപ്പെടുന്നു:
1- നിത്യേനയുള്ള ഖുർആൻ പാരായണം, പ്രാർത്ഥനകൾ, ആരാധനാകർമ്മങ്ങൾ എന്നിവ നിലനിർത്തുകയാണ് സ്ഥിരതയുടെ അടിസ്ഥാനം.
2- നിങ്ങളെത്തന്നെ മനസ്സിലാക്കുക: നിങ്ങൾ ആരാണ്, എന്താണ് ആഗ്രഹിക്കുന്നത്, എന്താണ് നിങ്ങളുടെ ലക്ഷ്യം, നിങ്ങളുടെ പ്രവൃത്തികൾക്ക് പിന്നിലെ കാരണങ്ങൾ എന്തൊക്കെയാണ് എന്നിവ തിരിച്ചറിയുക.
3- നിങ്ങളുമായി ബന്ധമില്ലാത്ത കാര്യങ്ങളിൽ ഇടപെടാതിരിക്കുക.
4- നിർബന്ധമായ കാര്യങ്ങളേക്കാൾ ഐച്ഛികമായവയ്ക്ക് മുൻഗണന നൽകരുത്; അതുപോലെ, ഐച്ഛികമായ കാര്യങ്ങളിൽ മുഴുകി നിർബന്ധമായവയിൽ നിന്ന് ശ്രദ്ധ വ്യതിചലിക്കാൻ അനുവദിക്കരുത്.
5- നിങ്ങളുടെ കഴിവുകളും കുറവുകളും നിരീക്ഷിക്കുക; സ്വയം തിരിച്ചറിയാനുള്ള ശ്രമം അവഗണിക്കരുത്.
6- പ്രതികരിക്കുന്നതിന് മുൻപ് മറ്റുള്ളവരെ മനസ്സിലാക്കാൻ ശ്രമിക്കുക.
7- ക്ഷമ, മറ്റുള്ളവരെക്കുറിച്ച് നല്ലത് മാത്രം ചിന്തിക്കാനുള്ള മനോഭാവം, ചെറിയ പിഴവുകൾ അവഗണിക്കൽ എന്നിവയിലൂടെ സാമൂഹിക ബന്ധങ്ങൾ നിലനിർത്താൻ പരിശ്രമിക്കുക.
8- അല്ലാഹുവിൽ നിന്നുള്ള പ്രതിഫലം ആഗ്രഹിച്ച് സന്നദ്ധ പ്രവർത്തനങ്ങളിലും ജീവകാരുണ്യ പ്രവർത്തനങ്ങളിലും ഏർപ്പെടുക.
9- തുടർച്ചയായ വിജ്ഞാനവും പഠനവും വഴി സ്വയം വികസിപ്പിക്കുക.
10- വിശ്രമത്തിനും അനുവദനീയമായ വിനോദത്തിനുമുള്ള നിങ്ങളുടെ ആവശ്യകത അവഗണിക്കരുത്.
ഡോ: കെ. മുഹമ്മദ് സാജിദ്.
Comments
Post a Comment