അല്ലാഹുവിന്റെ സിഫാത്തുകൾ പരിഹാസവിഷയമല്ല, നബി ﷺ അത് ആംഗ്യത്തിലൂടെ പോലും സ്ഥിരീകരിച്ചു. സലഫികളുടെ വിശ്വാസത്തെ പരിഹസിക്കുന്നവർക്ക് തെളിവോടെയുള്ള മറുപടി
അല്ലാഹുവിന്റെ സിഫാത്തുകൾ പരിഹാസവിഷയമല്ല, നബി ﷺ അത് ആംഗ്യത്തിലൂടെ പോലും സ്ഥിരീകരിച്ചു.
സലഫികളുടെ വിശ്വാസത്തെ പരിഹസിക്കുന്നവർക്ക് തെളിവോടെയുള്ള മറുപടി.
ഷെയ്ഖ് റഈസ് حفظه الله യുടെ വീഡിയോ താഴെ:
ഷെയ്ഖ് റഈസ് حفظه الله പറഞ്ഞു :
" അല്ലാഹുവിന് രണ്ട് കൈകളുണ്ടെന്ന് പറയുന്നതും, തുടർന്ന് സ്വന്തം കൈകളിലേക്ക് ചൂണ്ടിക്കാണിക്കുന്നതും ശരിയാണ്.
അബൂ ഹുറൈറയിൽ നിന്ന് അബൂ ദാവൂദ് റിപ്പോർട്ട് ചെയ്തതനുസരിച്ച്, പ്രവാചകൻ صلى الله عليه وسلم അന്നിസാഅ്: 58 ലെ :
"തീർച്ചയായും, അല്ലാഹു നിങ്ങൾക്ക് നൽകുന്ന ഉപദേശം എത്ര ഉത്തമമാണ്! നിശ്ചയമായും അല്ലാഹു എല്ലാം കേൾക്കുന്നവനും എല്ലാം കാണുന്നവനുമാണ് " ആയത്ത് പാരായണം ചെയ്തതിന് ശേഷം അദ്ദേഹം صلى الله عليه وسلم ചൂണ്ടുവിരൽ കൊണ്ട് കണ്ണുകളിലേക്കും തള്ളവിരൽ കൊണ്ട് ചെവികളിലേക്കും ചൂണ്ടി.
ഈ ആംഗ്യം ആ വിശേഷണത്തെ ഉറപ്പിക്കുന്നതിനും, അല്ലാഹു യഥാർത്ഥത്തിൽ കേൾക്കുകയും കാണുകയും ചെയ്യുന്നുവെന്ന് സ്ഥിരീകരിക്കുന്നതിനുമുള്ള ഒരു മാർഗ്ഗമാണ്.
അൽ-ബൈഹഖി അദ്ദേഹത്തിൻ്റെ *അൽ-അസ്മ' വൽ-സിഫത്ത്* എന്ന ഗ്രന്ഥത്തിൽ ഇത് സൂചിപ്പിച്ചിട്ടുണ്ട്.
ഇബ്നു തൈമിയ്യ ഇത് *മജ്മുഅൽ-ഫതാവ*യിലും,
സവാഇഖ് അൽ മുർസലയിൽ ഇബ്നുൽ ഖയ്യിമും رحمهم الله ഇത് ഉദ്ധരിച്ചു.
(ചൂണ്ടിക്കാണിച്ചുകൊണ്ട്) ഒരു വിശേഷണം സ്ഥിരീകരിക്കുന്നത് കേൾക്കുന്നതിലോ കാണുന്നതിലോ മാത്രം ഒതുങ്ങിനിൽക്കുന്നതല്ല; മറിച്ച്, എല്ലാ വിശേഷണങ്ങളുടെ കാര്യത്തിലും അത് അനുവദനീയമാണ് ".
അത് കൊണ്ട് ഈ വിഷയത്തിൽ സലഫികളെ പരിഹസിക്കുന്നവർ സൂക്ഷിക്കുക.
നബി ﷺ അല്ലാഹുവിൻ്റെ വിശേഷണങ്ങൾ സ്വന്തം ശരീരത്തിൽ ആംഗ്യം കാണിച്ച് പഠിപ്പിച്ചിട്ടുണ്ട്.
ഡോ: കെ. മുഹമ്മദ് സാജിദ്.
Comments
Post a Comment